FrEsHteEeG!!!

Grabe ang saya ng concert nung friday!!! Dahil dun medyo nalimutan ko yung mga iniisip ko about my studies, in a way, nakatulong yun para naman makapag-unwind ako…ang saya talaga sobra. Kasama ko nga sina Jec, Tin at Kerby e. si Rem kasi dapat sasama kaso di sya pinayagan eh pero at least nag-enjoy pa rin kami kahit kaming apat lang. Hindi namin alam kung anong oras sya magsisimula at in-assume na lang namin na mga 7 o’clock kasi nga concert yun so hindi maaga magsisimula. Pagdating namin dun ng 7 grabe ang haba na ng as in palibot na dun sa buong bahay ng alumni pero buti na lang pinaghiwalay yung pila ng freshies at nung mga may ticket. Mabilis din kami nakapasok kaso hindi na namin inabutan ung ibang bands kasi 5 pala yung start. Pero ayos lang nagpeperform na yung Mojofly nung nasa pinto kami at medyo nasulyapan ko naman sila at nakakanta din ako ng “mata” at “minamalas”. Astig talaga yung boses ng vocalist ng band nila. Next performer yung Kjwan at iba talaga ung performance ni Mark Abaya at sobrang proud sya na UP student din sya at binati nya ung mga freshies. Ayos naman yung performance nila. Next yung Sandwich at yun talaga ang matatawag na performance level sobrang todohan na talaga to kaya yung iba ang gulo na. Yung mga ibang nagperform yung Cambio, kasama din nila si Ebe ng Sugarfree at enjoy din sa performance nila. Tapos sino pa ba?…In any order na lang nga…Yung Mongols din nagperform at in fairness ang gwapo ni Ely Buendia…sayang nga kasi wala na ang Eraserheads eh…Nung una, nung yun pang mga kanta nilatalaga yung kinakanta nila, di masyadong buhay yung audience pero nung bigla nilang kinanta yung “Alapaap” grabe biglang nabuhayan yung mga tao. Iba pa rin talaga epekto ng kanta ng E-heads sayang nga lang talaga at naghiwa-hiwalay na sila, gusto ko pa naman yung band nila dati. Nung turn na ng Sugrafree biglang nagising yung mga tao kasi astig talaga sila…Una pa nilang kinanta ung “Burnout” eh isa yun sa mga favorites ko kaya sobrang sigaw talaga ako…Tapos kinanta naman nila ung “Prom” at kilig to the max ang audience…galing nila!!! Last song nila yung “Hari ng Sablay” at sobrang nakisabay sa kanila yung crowd ingay sobra pero sobrang saya…pinalitan nga ni Ebe ung ibang lyrics eh…sabi nya “Kayo ang hari ng UP…” Galing nila magperform kasi nagising ung audience. It’s Kitchie Nadal’s turn at sobrang pagpasok pa lang nya tiliian na agad ung mga students eh kaya sobrang tinodo nya ung pagkanta. Di ko alam ung title nung 1st song nya pero maganda din ung meaning. After nun sabi nya kami na daw ung magsabi kung anong kakantahin nya at syempre sinabi ng crowd ung “Same Ground”. Sabi nung iba pangit daw mag-live si Kitchie pero para sakin ok naman kasi mataas naman ung energy nya at tinatry nyang ibigay ung performance na gusto ng audience. Last song nya “Bulong” at gumulo na naman ulit ang mga tao. Ung mga katabi nga namin mukhang mga trasher nagi-slamman talaga kaya medyo lumalayo kami kasi puro lalaki sila at sobrang gulo. Nagperform naman ung Moonstar 88 at Kamikaze. Iba na tlaga ung vocalist ng Moonstar88 at mas gusto ko pa rin ung original pero ok din naman sya magperform at taga-UP din sya. Sinasabi pa nga nya ung mga jokes tungkol sa UP eh pero sobrang luma na kaya alam na rin nung ibang estudyante. Kinanta nila na alam ko ung “Sulat” at “Torete”, ung isa kasi nun ko lang narinig eh. Nung Kamikaze naman naupo muna kaming apat kasi ang sakit na ng binti namin at medyo nakakahilo kasi mainit tapos ung electric fan nagbubuga ng tubig kaya medyo malamig ung hangin at ang sakit sa ulo. OK ung vocalist ng Kamikaze eh ang kulit kung anu-ano sinasabi. Sabi ba naman nya mag-enjoy na daw kami kasi baka daw bigla nang magunaw ung mundo at least masaya ung mga huling oras namin tapos pabayaan na daw namin ung mga nagkakagulo sa labas at ung gobyerno mga wala lang daw magawa ung kaya mag-enjoy na lang kami. Tapos ung naging sobrang gulo nung mga rockista kasi syempre kamikaze un. After nila ung iba nag-alisan na. Parokya ni Edgar na at sobrang tiliian talaga, talunan ung mga tao at slamman talaga. Gosh, iba pa rin ang Parokya ang galing nila sobra! Dati pa lang sobrang gusto ko na sila kasi astig ung mga kanta nila. Shocking talaga kasi 1st song nila “Halaga”, inaasar nga ako nina Jec at Tin eh. Sabi ko nga pasalamat “sya” dahil wala sya dun kasi kung nandun sya isisigaw ko talaga sa tenga nya ung bawat lyrics nung kanta. Nung time na yun ko nabuhos lahat ng gusto kong sabihin through the lyrics of the song, medyo bumabalik nga ung heartache eh pero ayos lang kasi…basta… ito ung favorite kong part dun sa kanta… “Minsan hindi ko maintindihan, parang ang buhay natin ay napagti-tripan. Malabo na nga yata ang mundo, Binabasura ng iba ang syang pinapangarap ko!!!”… Anyway, ung next song “Okatokat” at since wala si Vinchi naki-jam ung vocalist ng Kamikaze kay Chito at ang galing nya, bagay ung boses nilang dalawa. Kinanta nila ung “Buloy” at “Yes, yes Show” Ang galing nung sagutan nina Chito at nung vocalist ng Kamikaze. Lastly, ung inabangan ko talagang band…HALE… Grabe ang gwapo talaga ni Champ…sobrang lakas talaga nung sigaw ko at ng mga friends ko kasi well un ung inaantay namin…ung first song nila nun ko lang narinig pero astig din…tapos syempre “Broken Sonnet” at “The Day You Said Goodnight”. Masaya ko that time pero nalulungkot din ako kasi may naiisip akong tao…ung rason kung bakit di ko na masyadong naiisip ung “past”…hehehe…ewan ko pero nakakaasar kasi hindi sya nakasama sa’kin for certain reasons…pero sobrang hindi ko alam…(mahal ko na ata sya eh)…oh no! Anyway, after ng Hale, Session Road pero di na namin pinanood kasi 12 na nun eh baka wala na kaming masakyang taxi pauwi kaya ayun. Hindi na nga namin naantay ung Sponge Cola at Mayonnaise eh pero ayos lang masaya ung gabing un…Malapit na pala b-day ko pero mukhang di na kami maghahanda eh malamang family na lang namin pero ayos lang…pero sana makita ko ung mga barkada ko at ung “present”…hay naku nobela na naman ito…